Bir million dasturchi sertifikat olish android
Dasturlashni o‘rgatadigan BAA dasturi o‘zbekistonliklar uchun tekin
«Bir million o‘zbek dasturchisi» loyihasi e’lon qilingach, turmush o‘rtog‘im bilan loyihada qatnashish fikri tug‘ildi. Platformaning mukammalligi, xohlagan paytda ishdan bo‘sh paytingizda u bilan shug‘ullanish mumkinligi menga yoqdi va 2020 yil fevral oyida ro‘yxatdan o‘tdim. Bu loyiha aslida pulli, o‘zbekistonliklar esa tekin o‘rganishlari mumkin», deydi oila bekasi, mental arifmetika bo‘yicha xalqaro darajadagi murabbiy Gulnoza Xolova.
OMUC‘da ishtirok etish shartlari haqida oilaning ikkinchi farzandi Bahrom gapirib berdi. Uning aytishicha, o‘zi ham dasturlashga yoshligidan qiziqqan. Shu sabab uzbekcoders.uz saytida berilgan bepul kurslarning Android ishlab chiqish yo‘nalishi bo‘yicha 3 oy o‘qib, 2 ta sertifikatga ega bo‘lgan.
«Birinchi bo‘lib xohlagan brauzeringizga kirib, uzbekcoders.uz deb yozasiz. Saytga kirasiz va ro‘yxatdan o‘tish tugmachasini bosasiz. Ro‘yxatdan o‘tish uchun Google akkauntingiz bo‘lishi kerak. Ism-familiyangizni yozib, akkaunt, parol va telefon raqamingizni kiritasiz. Bu orqali alohida profil yaratasiz. Profilingizda birinchi Udacity platformasi bilan bog‘lanasiz. Undan keyin 4 ta yo‘nalish: Android, FrontAnd, FullStack va Data analysis – ma’lumotlar tahlili chiqadi. Bu yo‘nalishlardan istalgan birini tanlab, tegishli videodarslarni ko‘rasiz. Darslarning 1-qismi yakunlanganidan keyin turli test va topshiriqlar berib, bilimingiz tekshiriladi va undan o‘tsangiz, ishtirokchi sertifikati beriladi. Darslarning ikkinchi yarmini yakunlab, yana bir imtihondan o‘tganingizdan keyin bitiruvchi sertifikatiga ega bo‘lasiz», deb tushuntiradi u.
Bu ikki sertifikatning ahamiyati haqida Gulnoza Xolova gapirib berdi: «Ishtirokchi va bitiruvchi sertifikatini olishdan maqsad OMUC loyihasi asosida Nanodegree imtihonlariga grant yutib olish. Bitiruvchi sertifikatini olganingizdan keyin elektron pochtangizga yakuniy imtihonlarda qatnashish imkoniga ega ekaningiz haqida xat keladi. Yakuniy imtihonlar 1 yilda 4 marotaba bo‘ladi va har safar 50 nafardan g‘olib saralab olinadi.
Uning aytishicha, Nanodegree kurslari OMUC‘ning davomi. Bu orqali tanlagan yo‘nalishingizning qolgan bosqichlarini o‘qishingiz mumkin. Nanodegree diplomlari Google, AT&T, Autodesk, Sleforce va boshqa ko‘plab IT gigantlari tomonidan tan olinadi. Gulnoza Holova ham 2021 yil iyun oyida bo‘ladigan yakuniy imtihonlarda qatnashib, Nanodegree diplomlarini olishni niyat qilgan.
Gulnoza Xolova
«Silikon vodiysini ko‘rib kelsam deyman…»
«O‘zbekistondan ketish fikri bo‘lmagan. Lekin O‘zbekistondan tashqarida IT sohasini o‘z ko‘zim bilan ko‘rib, Amerikadagi Silikon vodiysiga borib, o‘shani jonli ko‘rib kelish niyatim bor. Xudo xohlasa, iyun oyida bo‘ladigan imtihonlardan o‘tib, Nanodegree grantini yutib olsam, bu sohani yana ham yaxshi o‘rganib, o‘zlashtirib, tajriba orttirish uchun chetga chiqib, o‘sha Silikon vodiysini ko‘rib kelish nasib qilar», deydi u.
Oilaning qolgan farzandlari ham dasturlashga qiziqish bildirib, uzbekcoders.uz saytida berilgan dasturlash darslarini o‘rganishni boshlagan.
«Men oilada to‘ng‘ich farzandman. Bir million o‘zbek dasturchilari loyihasida ma’lumotlar tahlili yo‘nalishi bo‘yicha o‘qib, hozir ham davom ettiryapman. Shu yo‘nalishda Toshkent davlat texnika universitetining axborot texnologiyalar yo‘nalishida o‘qiyapman. Kelajakda ham shu sohada ketib, o‘z kasbimning yetuk mutaxassisi bo‘lmoqchiman», deydi Hilola.
Oilaning uchinchi farzandi Barno esa OMUC‘ning ma’lumotlar tahlili yo‘nalishini 3 oy muddatda o‘qiganini aytdi. U kelajakda ham shu sohani davom ettirmoqchi. Oilaning kenja farzandi Zumrad hali yoshi yetmagani sabab loyihada ishtirok etmayapti. Ammo dasturlash darslarini ko‘rib boryapti. U Android ishlab chiqaruvchisi yo‘nalishiga qiziqishi borligini aytadi.
«Texnika bilan tezkor hayotda hissiyotlar ham tez o‘tib ketadi»
Oila boshlig‘i Jasur Xolov innovatsion pedagogik texnologiya instituti monitoring bo‘limida ishlayapti. Bungacha Toshkent davlat iqtisodiyot universitetining axborot texnologiyalari yo‘nalishida o‘qib, xalq xo‘jaligining bir necha korxonalarida, kasb-hunar ta’lim sohasida faoliyat olib borgan. Jasur Xolov OMUC‘ning ma’lumotlar tahlili yo‘nalishida o‘qigan. U o‘zining muvaffaqiyatlarida ota-onasi hissasi kattaligini aytadi.
«Hech esimdan chiqmaydi, har safar bolalarimizga o‘yinchoqlar olayotganda xayolimizdan o‘tadi. Hozirda interaktiv deyilyapti, u yerda nomini ham bilmasdik. Otamiz futbol, hokkey o‘yinlarini ukam bilan ikkovimizga olib kelib bergani, vaqt ajratib, har bitta bo‘limlarini tushuntirib, birga o‘ynaganlari bizning hayotimizda muvaffaqiyatlarga sabab bo‘lgan. Pul miqyosida olsak, u o‘yinlar hozirgi netbuk yokt iPhone 12 kabi edi va u hamma joyda ham bo‘lmasdi», deydi oila boshlig‘i.
Jasur Xolov
Jasur Xolov dasturchimi yoki injyenermi badiiy adabiyotdan uzoqlashmasligi kerakligi va o‘zi ham farzandlarini ham doim kitobga yo‘naltirishini aytdi.
«Dasturchi yoki injyenerlar badiiy adabiyotni chetga surib qo‘yishadi. Bu katta xato. Har bir soha vakili ham biror hayotiy muammoni hal qiladi. U muammoni hal qilganda, o‘shaning ichiga kirishi kerak. Badiiy adabiyot o‘sha obrazlarga kirishga, muammolarni tushunishga yordam beradi. Texnika bilan tezkor hayotda hissiyotlar ham tez o‘tib ketadi. Real hayotda ham bu odamni mehrsizroq qilishga sabab bo‘ladi deb o‘ylayman», deydi Jasur aka.
«Hozir ham o‘rganaman degan o‘quvchiga dasturlashni bepul o‘rgatishga tayyorman»
Gulnoza Xolova Parkent tumanida o‘zi ishlaydigan maktabda o‘quvchilarga dasturchilikni bepul o‘rgatyapti.
«Bugungacha pulli kurs xayolimga kelmagan. Hozir qo‘shni tumanlardan ham dasturchilikni o‘rgatish bo‘yicha taklif tushyapti. Bir ishni astoydil vijdonan bajarsangiz, Alloh tomonidan ham qaysidir eshikdan, siz kutmagan joydan yengillik bo‘ladi. Qizimiz hozir 1-kursda o‘qiydi. Yaqinda Toshkent davlat texnika universitetiga o‘qishga kirdi. Avval kontrakt asosida o‘qishga qabul qilinganini bildik. Albatta, bizga o‘xshagan oila uchun kontrakt og‘irlik qiladi. Allohning mo‘jizasini qarangki, o‘qishga kirganiga bir hafta bo‘lmasdan o‘qishga kirganini qaytadan tekshirib ko‘rish kerakligi haqida e’lon qilindi. Kirib ko‘rdik, qizimiz Umarboyeva Hilola o‘qishga grant asosida qabul qilingani haqida ikkinchi marta xabar keldi. Mana, hamma narsaning moddiy tomonini o‘ylash ham bo‘lmaydi», deydi ona.
Gulnoza Xolova OMUC loyihasida qatnashib, sertifikat olayotganlarga nisbatan odamlar negativ kayfiyatda ekanini aytadi: «Bizga bu sertifikatlaring nima qilib beradi? Masalan, buni men yoki farzandim o‘qisa, sertifikat olsa, bu bilan nima bo‘ladi, qayerlarga o‘tadi, qayerlarga o‘qishga kirish mumkin, deb savollar berishadi. Albatta, farzandim IT sohasida ketmaydi, biznesmen yoki tadbirkor bo‘ladi deb ham o‘ylashi mumkin. Lekin dasturchilik bolalarni o‘ylashga, fikrlashga undaydigan yo‘nalish.
Hozir ham buni o‘rganaman degan o‘quvchiga tayyorman. O‘zim informatikadan dars beraman qarindosh-urug‘, qo‘ni-qo‘shnida kompyuter savodxonligi bo‘lsa, o‘shanga yo‘naltiraylik deb qo‘limdan kelganicha xo‘jayinim bilan harakat qilyapmiz. To‘garagimning ham asosiy maqsadi shu bolalarning kelajakda biror bir kasb egasi bo‘lib, oilasini boqishi uchun sababchi bo‘lib qolish. Insonni inson qiladigan fazilatlar ham odamlarga yaxshilik qilish, yaxshilik ulashish deb o‘ylayman», deydi Gulnoza opa.
«Oflayn rejimga moslangan dasturlashni o‘rgatish rejasini ishlab chiqyapmiz»
Gulnoza Xolova hozir OMUC loyihasida ishtirok etayotganlar ko‘paygani sabab Udacity platformasiga kirish qiyinlashganini aytdi. Bunga sabab O‘zbekistonda internet tezligining pastligi. Shu muammoni qisman yechish maqsadida u turmush o‘rtog‘i bilan oflayn rejimga moslangan dasturlashni o‘rgatish rejasini ishlab chiqishayotganini aytdi.
«Hozir ona sifatida mening birinchi vazifam farzandlarimni nazorat qilish. Birinchi tartib-intizom bo‘lishi kerak. Masalan, farzandingizga biror yumush aytdingizmi, albatta, uni bajargan yoki yo‘qligini nazorat qilish kerak. Men bunda ko‘proq ota-onam tajribasiga suyanaman. Bizning paytimizda telefon, kompyuter bo‘lmagan. Lekin ota-onam bizni biror yumush bilan band qilishni uddasidan chiqqan. Masalan, men chevarchilik qilaman. Onamdan o‘rganganman», deydi u.
Источник
Bir million dasturchi sertifikat olish android
«Bir million o’zbek dasturchilari» loyihasi 12 yoshdan oshgan O’zbekiston aholisini bepul masofadan turib o’qitish uchun mo’ljallangan. Loyihaning asosiy maqsadi raqamli texnologiyalar sohasidagi dasturlash ko’nikmalariga ega bo’lgan yangi avlod mutaxassislarini tayyorlashdan iboratdir.
“Bir million o’zbek kodlovchisi” onlayn o’quvlar bo’lib, u yerda har bir o’quvchi yoshlar uzbekcoders.uz platformasida mustaqil ravishda materiallarni o’rganadilar, topshiriqlar, laboratoriya ishlarini bajaradilar.
Loyihaning maqsadi: «Bir million o’zbek koderi» loyihasi doirasida maktablarda Udacity platformasini masofadan o’qitish metodikasini joriy etish .
Men har doim o’quvchilarimga sertifikat olish imkoniyatini beradigan onlayn kurslarda o’qishlarini maslahat beraman, Chunki hozirgi paytda ish topish uchun va biror ishga qabul qilishda ish beruvchi tomonidan nomzodning mahorati bilan birga muayyan intizom bo’yicha o’qiganligi yoki xizmat ko’rsatganligi to’g’risidagi guvohnomani ko’rganlarida, bu ishga va shu sohaga qiziqishi, bilimi, tajribasi borligiga ishonch bo’ladi. Kurs davomida yaxshi natijalarni saqlasangiz, o’qituvchilar tomonidan imzolangan qonuniy sertifikatni olasiz, bu ko’plab qiziqarli ish va amaliyotlar uchun eshiklarni ochadi. Shunday qilib, nafaqat sizning ta’limingiz qanday rivojlanayotgani ham tasdiqlanadi.
“Bir million o‘zbek dasturchilari” dasturida o’qimoqchi bo’lgan o’quvchilarimni har doim kuzataman sinfxonani ochishga qiynalishadi. Men maktabda o’quvchilarimga bu platformada o’qishni tavsiya qilaman. Hozirgi yoshlarimizni IT-sohasiga qiziqishlari juda yuqori. O’quvchilar ro’yxatdan o’tishadi ammo sinfxona ocholmay qiynalishadi. Ijtimoiy tarmoqlarda tashkil qilingan yo’nalishlar bo’yicha telegram kanallarini qaysi biriga kirsangiz ham shu sinfxona ochishga qiynalayotgan o’quvchilarni ko’raman. Parolimni qabul qilmayapti, profil ochilib sinfxona ochilishi qiyin deb o’qiy olmagan o’quvchilarimiz ham bor. Shu sababli men sinfxona ochishni maqola sifatida yozishga qaror qildim. Uylaymanki bu maqola orqali o’quvchilarimizga yordam bo’ladi.
Buning uchun birinchi navbatda uzbekcoders.uz saytiga kirib ro’yxatdan o’tishni bosamiz. Ro’yxatdan o’tish uchun o’zimiz haqimizda ma’lumotlarni kiritib olamiz.
Ro’yxatdan o’tishni bosamiz
Endi kirishni bosib ro’yxatdan o’tgan elektron pochtamiz nomini va parolini kiritib taqdim etishni bosamiz.
Bizga quyidagicha oyna ochilib profilimiz chiqadi. Unda o’zimiz haqimizda ma’lumotlar aks etib turadi.
Bu yerda hisobingizni bog’lang chiqib turibdi va hisobimizni bo’g’lab olamiz. UDACITY ga kiramiz.
Udacity — bu ta’limni demokratlashtirish maqsadida Sebastian Thrun, Devid Stavens va Maykl Sokolski tomonidan tashkil etilgan xususiy ta’lim tashkiloti. Kompaniya Stenford Universitetining kompyuter fanlari dasturini kengaytirishdan boshlangan.
Bizga quyidagi oyna ochiladi.
So’ralgan ma’lumotlar kiritilib SING UP ni bosamiz.
SING IN ga kirib pochta va parol kiritamiz va SING IN tugmasini bosamiz.
Hisobingiz muvofaqiyatli bog’ladingiz deb chiqadi va bizning hisobimiz bo’g’landi. Orqaga qaytishni bosib quyidagi 4 ta yo’nalishda o’quv kurslariga boramiz.
Bunda uzbekcoders.uz onlayn portalidan foydalangan holda 4 ta trekda o’rganishingiz mumkin .
• Full-Stack web dasturchi
• Front-end web dasrturchi
• Android ilovalar dahosi
Bu kurslarni o’qimoqchi bo’lgan va qiziqqan kurslarimizni birortasiga borib masalan: FULL-STACK VEB-DASTURCHI BO‘LING — RO’YXATGA OLISHni bosamiz va bizga quyidagicha siz ro’yxatdan muvaffaqiyatli o’tgansiz chiqadi. Ushbu onlayn kurs sizni to’rt oy ichida mutaxassis dasturchi bo’lishga tayyorlaydi. HTML, CSS, JS, Node kurslari o’tiladi.
Endi siz sinfxonangizga kirishingiz mumkin.
Birinchi navbatda Settings –Sozlanmalarga borib account haqida ma’lumotlarimizni tekshiramiz.
Language Preference – tilga ustunlikni tanlaymiz va til sozlamalarida o’zbekcha tilini tanlaymiz va saqlashni bosamiz.
Bosh sahifaga borib
Dastur bosh sahifasiga kiramiz.
Natijada bizga o’quv kursi haqida ma’lumotlar chiqadi. O’quvlar, darslar va labaratoriya ishlari muddatlari bilan bizda aks etadi.
Endi darslarni boshlashingiz mumkin. Har bir yangi dars kartalari sizning hozirgi kungacha erishgan yutuqlaringizni aks ettiradi va «O’qishni davom ettirish» tugmasi sizni avval to’xtagan joyingizga olib boradi. Siz har doim o’zingizning sinfingiz ekranining chap tomonida joylashgan asosiy navigatsiya bo’yicha umumiy rivojlanishingizni kuzatib borishingiz mumkin.
Umumiy kurs 120 soatlik mashg’ulotga mo’ljallangan . Har bir Milestone ishtirokchilari oxirida laboratoriya ishlarini bajarib sertifikatlarni olishlari mumkin. Kurslarning eng yaxshi bitiruvchilari grantlar uchun raqobatlasha oladilar va Udacity platformasidagi 100 dan ortiq Nanodegree dasturlaridan birida o’qishni davom ettiradilar . Buning uchun siz yakuniy imtihonni muvaffaqiyatli topshirishingiz va eng yuqori ball to’plagan Top 150 ishtirokchilar ro’yxatiga kirishingiz kerak bo’ladi. Nanodegree sertifikatlari Google, AT&T, Autodesk, Salesforce va boshqa ko’plab IT sohalarining gigantlari tomonidan tan olingan .
Barcha raqobatni hisobga olgan holda, ushbu sohada o’z nomingizni topish oson emas. Ammo ushbu kursni katta ball bilan yakunlash va sertifikat olish sizga yaxshi ish topishingizga yordam beradi. Kurs nafaqat amaliy tajriba va’da qiladi, Google, Facebook, Amazon, Adobe va boshqalar kabi etakchi kompaniyalarga ishga kirishingiz mumkin.
“Bir million o‘zbek dasturchilari” dasturiga qo‘shiling — bizning ochiq onlayn-platformamizdagi ajoyib bepul kurslar yordamida yuqori malakali dasturchiga aylaning!
Aida Amirova va yana 13 kishi layk bosishdi.
Источник
